Protetika është një degë e stomatologjisë e cila ka si objektiv zëvendësimin e dhëmbeve të humbur dhe rikthimin e funksionit dhe estetikës natyrale të kavitetit oral. Klinika jonë disponon një numër të shumtë zgjidhjesh të mundshme në formën e kurorave dentare, ura dhe proteza të realizuara në laboratorët më të mirë dhe me eksperiencë shumëvjeçare.

Protezat dentare ndahen në fikse dhe të lëvizshme:

Proteza fikse është e fiksuar tek dhëmbët shtyllë dhe nuk mund të hiqet nga vetë pacienti.
Protezat fikse janë disa llojesh.
Kurorat (metal-porcelan, zirkon-porcelan, paladium-porcelan, flori-porcelan) përdoren për dhëmbë tek, kur rrënja është e ruajtur.
Urat zëvendësojnë dhëmbin e hequr dhe mbështeten tek dhëmbët në krah.
Protezë mbi implante: rrënja zëvendësohet me implant titani dhe mbi të vendoset proteza fikse.

Protezat e lëvizshme mund të zëvendësojnë të gjithë nofullën ose një pjesë të saj. Quhen të lëvizshme pasi mund të hiqen dhe të lahen me lehtësi nga pacienti. Protezat e lëvizshme ndahen në:

Proteza totale: vendoset kur pacienti nuk ka asnjë dhëmb. Përbëhet nga strukturë rezine akrilike dhe dhëmbë rezine dhe hiqet për larje.
Proteza parciale: ankorohet tek dhëmbët e mbetur me kroshe teli.
Proteza e skeletuar: protezë parciale me strukturë metalike.
Proteza e skeletuar me attachment: protezë mikse më stabile, me mundësi heqje/vendosje nga pacienti.